Video
Read full review
2014-02-06
876 views
自從自由行進駐沙田以黎，價錢同食物質素越黎越成反比，價錢只識不斷咁加，但食物質素就越黎越求其！以前$100有找食個扒餐既日子當然一去不復返，但點都冇諗過可以求其成咁！是日係裝修後第一次幫襯，老實講的確比以前光猛、空間感大左。但同時枱與枱之間亦都相對密左，呢方面喺寸金尺土既香港我絕對明白亦都理解。餐飽︰麵飽可以話係呢度既「鎮店之寶」。同以前好generous咁俾一細籃麵飽相比，現在只可以喺六款麵飽裏面選擇一款。無可否認，喺通脹既情況下作出咁既安排確係情有可原。最特別既係佢「整色整水」，可以有六種唔同既sauce可以選擇，包括最大路既牛油或者其他好似Olive Oil同埋Tomato Sauce，以幾廿蚊個餐黎講有咁既安排都算係比較少見。雖然quantity係少左，但quality方面依然維持到昔日A-1既水平，依然係軟淋淋咁鬆軟，有入口即溶既感覺咁。唔知點解就算喺對面麵包舖買返屋企自己整都做唔到果種感覺，絕對係必試之選！餐湯方面既雜菜湯相對比較失色，毫無特別地方可言。D料少到乜咁只係得幾片細細既蔬菜。雖然係咁，但都勉強飲到少少基本雜菜湯應有既味道，唔似坊間一般將貨就價「from conc
餐飽︰麵飽可以話係呢度既「鎮店之寶」。同以前好generous咁俾一細籃麵飽相比，現在只可以喺六款麵飽裏面選擇一款。無可否認，喺通脹既情況下作出咁既安排確係情有可原。最特別既係佢「整色整水」，可以有六種唔同既sauce可以選擇，包括最大路既牛油或者其他好似Olive Oil同埋Tomato Sauce，以幾廿蚊個餐黎講有咁既安排都算係比較少見。
雖然quantity係少左，但quality方面依然維持到昔日A-1既水平，依然係軟淋淋咁鬆軟，有入口即溶既感覺咁。唔知點解就算喺對面麵包舖買返屋企自己整都做唔到果種感覺，絕對係必試之選！
餐湯方面既雜菜湯相對比較失色，毫無特別地方可言。D料少到乜咁只係得幾片細細既蔬菜。雖然係咁，但都勉強飲到少少基本雜菜湯應有既味道，唔似坊間一般將貨就價「from concentrate」果種質素既口感，叫做勉強比佢合格啦。
主菜carbonara方面就真係令我十分失望喇！份量少當然唔意外，問題係當你移走上面舖面既veggie之後個portion比想像中更細，有欺騙觀眾既感覺。個sauce亦都做得非常差，好watery一pat野咁出晒水，認真唔多開胃。Pasta索晒個汁之後，雖然不至於淋到一pat野咁，但因為撈埋D好稀既sauce令到個口感認真麻麻。D餸既份量更加少得可憐，加埋成碟野既「小小肉粒」我諗重少過一隻手指公既份量。
Overall我比佢既comment係越黎越差。或者咁講，喺自由行攻陷香港之後，佢地根本唔需要focus喺食物質素方面，只需一心做好「性價比」最大既食物去交租，賺過盤滿鉢滿就已經可以「袋袋平安」啦！唔知道呢個算唔算係另一種對香港人既懲罰呢？
Post
