江仔記

Open Now

Now Closed

屋企樓下商場有幾間食肆，但只有呢間江仔記我幾乎每個禮拜都食2-3次。雖然佢哋出名魚蛋河，但我最鐘意食佢哋嘅鮮蝦雲吞，蝦多爽滑彈牙。 不過比起啱啱開業時，宜家啲雲吞蝦肉少咗啲，味道亦淡咗少少，但比起其他雲吞麵店，仍然算優質。佢哋嘅辣椒油都非常正，夠辣又夠香。今日幫襯下午茶時間，點咗個雲吞魚片麵餐，35蚊送一杯熱飲。雲吞仍然保持水平，魚片彈牙有淡淡魚味。但麵冇平時咁彈牙，師傅應該重手咗啲。湯底濃味，但就咸咗少少，不過平時都係咁，冇計。不過我照樣加醋、加辣椒油，將每週朝拜的雲吞麵變成一場味覺盛宴！另外點咗檸檬茶，水平一般，平時就最鐘意點佢哋嘅奶茶更正，茶濃奶香。過幾日又嚟幫襯！