哈比斯燒肉串和咖哩 (鴻圖中心)

Open Now

Now Closed

是日又到了愛琴坊搵食，貪呢度款式多又就腳，今日就黎試左印度野。全店都係外籍人士，貌似好正宗，哈哈。是日有咖哩雞飯，雞卷同雞沙律做特價，店內仲有好多野揀，但花多眼亂，初黎報告，就先試最多人點嘅雞卷先。兩三下手勢店員就卷好了，可以揀辣與不辣，我就揀左mild spicy小辣啦，怕太辣食唔到嘛。飲品加了呢支lassi，一向覺得印度酸乳酪好好飲，呢支係芒果味。有營養標籤㗎，糖份都幾高喎，但飲落又唔覺好甜，好重奶味同好杰身，感覺似甜品多過飲品，哈哈。是日special嘅烤雞哈比斯，好大件呀～內裏包著生菜，生洋蔥，蕃茄，烤雞肉，再淋上大量醬汁，正呀喂！好大條，一口咬唔晒，啖啖菜好清新，中間食到不少雞肉，小辣醬汁啱啱好，辣辣酸酸夠開胃，好味好味。真係幾好味，想試晒咁多日添。