Lo Spazio (Closed)

如果唔係朋友帶我嚟，我都唔知有間咁嘅隱世餐廳。餐廳主要係外籍人士招呼嘅，不過餐牌都有中英對照，而且環境寬敞，坐得舒適，好啱三五知己飲嘢傾計。今晚我哋食咗：燒烤慢煮牛舌 - 好好食而且抵食，$68有兩串，由於牛舌係慢煮，所以有口感之餘唔會好韌；酥炸鬼佬雲吞 - 呢個都係好好食，特別係中間嗰個自家製番茄醬，我同朋友係將佢K.O.晒🤣🤣；手製肉丸意粉 - 肉丸意粉就普普通通冇乜特別；慢烤半雞 - 呢個雞我朋友最鍾意，因為好juicy ，雖然得半隻但係好適合兩位女生嘅份量。我最鍾意佢每日都有優惠：星期日海鮮半價，星期一牛扒半價，星期二至星期六酒有半價。