漁舍酸菜魚 (Closed)

今午特意放下午去剪髮，之後行一陣就食下午茶連晚餐，我一直想再食酸菜魚，咁啱呢帶有，趁仲係下午茶優惠就去食，入到去睇餐牌，有點亂所以就叫個女侍應嚟問，我問佢想食魚應該點叫，佢叫我揀2個餸果D，於是叫左萵筍同豚肉米線....未幾，酸菜米線到，但見吾到有魚，於是想叫個侍應問，但佢地掛住傾計見吾到我舉手，於是有個男仔行過問我咩事，我同佢講點解冇魚，我一心嚟都係想食魚...佢話我揀左2餸冇揀魚，果時我就知係個女仔誤導我...真係有點嬲，之後個男侍應問我係咪想要番魚，佢幫我加番....咁佢就當萵筍同豚肉係加餸 (各$10)，無啦啦叫多咗嘢....d魚ok冇乜特別味，湯底少少辣但整碗酸菜魚吾係我理想中果種風味.....酸菜有點硬，得個鹹字....整體一般啦....鋪中有個橫匾寫住：從來只認第二，真係只認第2好喇，第1冇你份......雖然係下午茶冇咩客，但都吾駛咁hea，顧住圍埋傾計....我知個男侍應都係好心解決件事，但個女侍應咁樣，都吾知係有心定什麼，結果張單由$73 變成$95，一個下午茶....