茹素食 (Closed)

話說平時經過茹素食，我會外買齋鹵味，尤其齋鴨腎，心軟兼邊微硬，食落口感似足真鴨腎；個汁做得好好味，鮮甜唔搶喉！今日經過茹素食買外賣，有位sales話有新鮮出品，用比利時進口材料做的朱古力，一盒4粒賣HK$60.00。 見紅色盒，又有金色帶包裝，好有節日氣份，買佐試試！ 兩個酒味，一個鑽石型的香檳醬餡，一個干邑軟身松露，超軟滑；另外兩粒脆脆，黑朱古力包脆片、杏仁、提子乾，白朱古力包酸酸的脆脆和朱古力脆珠。 酸酸的脆脆好似紅桑子味，再經過時要問一問係乜料？ 4款的甜道唔太甜，帶出佐朱古力和每款的特徵味道，非常平衡。用比利時進口材料做，呢個價錢就唔貴啦！