十二味熱辣火鍋莊

Open Now

Now Closed

石塘咀一間十二味熱辣火鍋莊，外觀 紅噹噹好易認，裏面掛滿咗紅色嘅燈籠 ，好有中國色彩。進入火鍋店， 見佢個空間都幾闊落， 初時以為唔係好多人，但係原來發覺店裏面有分前舖同後舖，原來前鋪已經坐滿咗人，所以店員就安排我坐咗喺後舖 坐低冇幾耐就已經攞咗茶水畀我， 服務都算唔錯。再嚟睇下menu, 因為自己一個人過嚟食，所以其實都唔會打邊爐，就想試下佢嘅四川菜睇下好唔好食。本人幾鍾意食鱔，佢有一個沸騰脆鱔，感覺個名都幾得意就點咗， 問咗店員佢話唔會太辣但係有好多香料，感覺上好適合我，因為我鍾意食辣但係又唔食得太辣。 另外再點咗一個拌麵。沸騰脆鱔一上碟，見到滿滿嘅紅辣椒，感覺嚇咗一跳 ，但係店員同我講佢其實唔係太辣，只係個樣有啲恐怖所以就即管試一試。撥開辣椒嗰下仲聽到下面啲滾油卜卜嘅聲音 ，感覺好得意， 食辣確實唔係太辣反而麻嘅感覺多d，脆鱔煮得脆嫩可口， 師父差不多將所有嘅骨都踢走咗，所以咬落嘅時候完全係唔需要怕有骨。至於呢個蔥油拌麵個人覺得味道都算唔錯嘅，其實一真係豉油抄面嘅感覺。整體而言係唔錯嘅可以試一試。