一粥麵 (置富第一城‧樂薈)

Open Now

Now Closed

睇完某雜誌介紹，一直心思思想試下，今天因為買唔切餸，終於有機會來試下。粥底火煱有兩款，個人覺得醉雞煱比海鮮肥牛好味和抵食。首先，醉雞有少少酒香，而且烚左幾耐都好，雞肉都一樣滑👍🏻，其他配料方面丶豬潤夠厚，好有口感丶雲吞亦用足料，粒粒都有一至兩隻蝦，不過，魚腩則比較多碎骨和油炸鬼因為濕左，所以唔脆。至於海鮮肥牛火鍋，主角是帆立貝，粒帆立貝夠厚身，亦算新鮮，但洗得唔夠乾淨。但三色手打丸則麻麻，墨魚味果粒，仲好似有D臭。肥牛係普通貨色，約有五至六片。整體而言，$78海鮮肥牛火鍋vs$58醉雞火鍋，後者大獲全勝。