和花亭壽司 (Closed)

同男朋友都好鍾意食日本野, 上次去魚一丁派左張和花亭旺角分店的coupon, 當然去試下啦~旺角分店比尖沙咀多位, 又無尖沙咀咁多人排隊, 很好! 坐下後見到三個尖沙咀的sushi 師父來到旺角店, 其他就應該係新的sushi 師父, 佢地一樣係大大聲叫order , 仍然都係成日miss order, 不過我預左佢係咁,比尖沙咀有改善的係今次佢地有用手套整野食, 個感覺衛生好多。今次飲左兩個湯, 蝦頭麵豉湯, 蜆麵豉湯, 蝦頭湯好味0的, 蜆就太細隻, 少肉到細過豆豉, 同唔夠蜆味。叫返我最愛的特大天婦羅炸蝦sushi, 沙律醬唔夠尖沙咀分店多, 無咁好食, 味道就一樣的, 加多沙律醬就可以; 天婦羅海鰻sushi 熱烘烘又多肉, 好正~; 帶子手卷好新鮮, 清清地不錯; 蟹糕蟹肉sushi 就普通0的, 味重0的應該會好食0的; lemon+ salt三文魚sushi 一樣咁好食, 個味道好特別~