Video
Read full review
2022-11-28
166 views
屯門呢間 真係極品 佢係我呢世人暫時食過最差嘅餐廳服務態度佢哋嘅服務態度絕對係好似想間舖頭立即執笠唔想做咁滯老世做買一送一優惠好諗頭 可惜你哋班員工幫你倒米似想你執笠多啲我都係上網睇到有買一送一所以就決定去試吓 因為覺得都幾抵食首先我哋打去訂位嘅時候佢已經講明五點之後係冇位 咁我哋唯有約晏少少九點咁我哋覺得都唔緊要啦既然咁平九點之後佢都冇所謂啦點不知佢已經講定到時唔會有咁多蝦㗎我哋都覺得冇問題嘅 因為始終都係夜去同埋佢咁着數買一送一我哋都係一心想試吓點知我哋去到 根本就係有好多蝦好多客人都喺度加緊蝦 仲要係有位 其實根本就唔係所講無位當然我哋入座嘅時候有講明登記咗買一送一注意返員工係完全冇同我哋講過幾時係最後拎嘢食同埋幾點關門 又或者帶位時提示我哋大約食到幾點鐘要我哋準備走 其實呢啲咁簡單嘅基本程序我覺得係冇問題亦都係任飲任食嘅基本要做嘅嘢其實整個食嘢嘅過程我哋都覺得食物滿意就算用正價去食我哋都覺得係值仲已經打算之後再嚟 再叫多啲屋企人我哋一行幾人約9:00左右入座 時間食到去10.點15有人提示我哋出邊會收嘢食 跟住就開始有人嚟要收我哋張單叫我哋俾錢時間去到大約11:00有一個懷疑係
屯門呢間 真係極品 佢係我呢世人暫時食過最差嘅餐廳服務態度
佢哋嘅服務態度絕對係好似想間舖頭立即執笠唔想做咁滯
老世做買一送一優惠好諗頭
可惜你哋班員工幫你倒米
似想你執笠多啲
我都係上網睇到有買一送一
所以就決定去試吓
因為覺得都幾抵食
首先我哋打去訂位嘅時候佢已經講明五點之後係冇位 咁我哋唯有約晏少少九點
咁我哋覺得都唔緊要啦既然咁平
九點之後佢都冇所謂啦
點不知佢已經講定到時唔會有咁多蝦㗎
我哋都覺得冇問題嘅 因為始終都係夜去
同埋佢咁着數買一送一我哋都係一心想試吓
點知我哋去到 根本就係有好多蝦
好多客人都喺度加緊蝦
仲要係有位 其實根本就唔係所講無位
當然我哋入座嘅時候有講明登記咗買一送一
注意返員工係完全冇同我哋講過幾時係最後拎嘢食同埋幾點關門 又或者帶位時提示我哋大約食到幾點鐘要我哋準備走 其實呢啲咁簡單嘅基本程序我覺得係冇問題亦都係任飲任食嘅基本要做嘅嘢
其實整個食嘢嘅過程我哋都覺得食物滿意
就算用正價去食我哋都覺得係值
仲已經打算之後再嚟 再叫多啲屋企人
我哋一行幾人約9:00左右入座 時間食到去10.點15
有人提示我哋出邊會收嘢食
跟住就開始有人嚟要收我哋張單叫我哋俾錢
時間去到大約11:00有一個懷疑係店舖主管嘅人走埋嚟 態度極之惡劣同我哋講 我哋要關門㗎喇
當下其實我哋都好無奈
因為只得一個爐 其實枱面仲有啲嘢食未燒晒 最終我哋決定燒埋嗰幾隻蝦食埋就好快啲走啦
因為我哋都放喺個爐了無謂浪費食物
點知呢位懷疑係主管嘅男士時間約11點15再次走埋嚟態度極之惡劣同餘下幾台乘客講
其實我哋真係要關門㗎啦
咁我哋就同佢講我哋知道我哋食埋幾隻蝦就走㗎
因為燒到一半
跟住個男人竟然同我哋講其實都唔得㗎啦
因為我哋要關門㗎啦
名下之二即係我哋比完錢就要即刻叫我哋走
佢嘅態度好似係我哋欠咗佢咁極之惡劣之差
對其餘食客都是一樣
呢間公司嘅員工除咗趕客走之外就係浪費緊所有嘅食物
除咗想我哋即刻走之外就係立即掉晒所有餘下嘅食物
其實你一開頭同我哋講到明有幾點食嘅時間我哋絕對會識做
正常任飲任食都有一個時間你咪講聲囉
你哋公司宣傳又講到宵夜時段
點會估到你10:15左右要我地比錢之後就要趕客走
入咗座唔講清楚
但無論幾點嘅客入嚟都照樣全收
難為有一兩枱比我哋更加遲入嚟嘅佢哋仲可憐
我都唔知佢哋食飽未
就要俾人收錢加趕走
最終我係比佢哋趕走
唔知以為係冇俾錢食霸王餐
呢間咁嘅服務態度餐廳
除非好想受氣如果唔係免費都唔食再食
雖然老土都要講一句 真係今時今日咁嘅服務態度
你想執笠真係好快㗎咋
老細不如考慮吓換晒一啲其實一早厭倦厭世呢一份工種嘅人
無謂比佢哋喺度幫你趕客走
加多一樣 出去拎海鮮嘅時候我仲聽到你哋有個夥計同啲客講生蠔叫佢哋自己開
我見到個客勁無奈 點樣自己開
點會有諗到自己嚟飲任飲食嘅地方原來整舊生蠔要自己開
可憐嘅阿叔
當然啦如果以上我所講嘅服務態度咁差嘅員工原來係老細嚟嘅咁真係無話可說
我會繼續祝你生意興隆
但如果純粹只係一個員工而令你個品牌受損嘅話
我希望你早日醒覺
Post