洪祖師 (Closed)

住左上水咁多年，真係唔覺有咩好食，成日一支公食埋D茶餐廳/快餐，食到好悶。呢間餐廳都開左一段時間，但唔想一個人入去試，今日女朋友入左黎上水，就過黎試下，環境都幾好，幾好坐。女朋友叫左個招牌肉燥飯，黎台灣餐館要食肉燥WO，我就叫左個東坡肉肉燥飯。女朋友真係好高要求，我覺得個飯都唔差，佢話算係咁用珍珠米，個味都OK，但就太少汁，東坡肉太肥，同埋唔係我諗果D。我地再加左個鹽酥雞，熱辣辣，好香脆，佢都好滿意，真係好有台灣既感覺。加左8蚊要嘢飲，估唔到真係好大杯，但味道就仲可以更好。賣單122蚊，而家食午餐係咁上下價。