好滾得 (Closed)

依間旺角火鍋店開張左一段時間,終於有時同朋友間黎啦!我地一早訂左位,今日黎到即訂有位,唔駛等,值得一讚.有埋食野秘笈,等我練好內功心法野食方面,味道方面有驚喜, 比我預期好好多佢哋介紹咗個火焰卜卜蜆煲，鍾意食辣嘅我覺得個湯底勁正。如果食得辣嘅可以叫佢加辣應該會仲好味。首先加左啲蒜蓉洋蔥落去爆香佢，再加好多好多酒落去煮達到視覺同嗅覺上嘅享受，最後再加埋麻辣湯底, 味道勁正!! 食完仲可以用個湯底黎打邊爐，一舉兩得。打邊爐點少得肥牛啊。通常出街食嗰啲肥牛刀片到好薄, 食落口冇乜質感。但係今日食嘅牛肩胛，厚切得黎又唔會太韌，肉味特出，質素都滿意通常係屋企打邊爐食物嘅質素都好啲, 所以出街一定要叫啲平時買唔到嘅嘢。佢哋有啲特色手打丸。我今次就食咗黑松露蝦丸，應該係咁多樣嘢之中我覺得最值得食嘅！其實我仲好想試佢嘅芝士和牛丸!! 下次一定要食到！另外依度既蠔又係好新鮮,好大隻,放落湯之後都無縮水,好好食 最後又點少得薯粉!! 麻辣火鍋+薯粉係世界上最完美嘅combo😍啖啖都食反出成個湯底嘅精華，就算諗起都流口水，未試過一定要試吓！！