苑記粉麵茶餐廳

Open Now

Now Closed

呢間餐廳雖然好多爭議，但一入舖頭就見到佢啲電視貼住罷睇失實電視台📺，二來聽見部分員工口吻都尚叫有意識，於是就俾個機會佢。牛腩伊麵 $37 轉伊麵+$8朋友話好少見粉麵店可以轉伊麵，就一於轉去試試。牛腩🐮好有牛味但又唔會好騷，配上伊麵清得來有幾夾。而且肉嘅份量絕對唔少，塊塊都係厚切🥩。牛筋米粉 $37牛筋嘅份量多到嚇死人，炆得非常之淋😋，唔會過鹹又保留住佢嘅原汁原味。另外要提一提係佢嘅湯底，望落清清地但又帶啲肉味，應該就唔係味精湯❌。淨雲吞 $33粒粒都好飽滿，雲吞入邊唔止有一粒蝦🦐，食落去好滿足。我覺得係我食過嘅雲吞入邊算係印象好深。我覺得整體都算唔錯，比我想像中嘅茶記更加有驚喜，如果下次有機會都會再嚟🙂。