Al Pesto (Moved) New Location

西環尾有一條叫厚和街，雖然條街只得短短100米，但總算是一條食街，中西日泰意台印等等食肆都有，價錢普遍都親民，所以行開西環唔知想食乜，不妨去呢條街走一轉，可能會有意外收穫😏。招牌薄餅 $129⭐️因為太耐無食pizza喇，好想食個有水準嘅pizza，但奈何當晚full house，個pizza等咗成45分鐘先到，上枱果刻有少少失望，唔似手工pizza，咬落仲係餅乾餅底，太硬好無口感，不試也罷！西班牙海鮮飯 $159⭐️呢個西班牙海鮮飯點解咁濕嘅？食開一律係乾身架喎⋯⋯成個感覺同口感根本係意大利飯，唔掂！又無乜料、仲要等咗成粒鐘，我只可以講我唔識欣賞好了！二人共消費：$317