和牛燒肉一郎 (寶漢大廈) (Closed)

我從來未寫過食評但呢一間令我可以寫一次未嚟過嘅人，可以唔使去牛X都仲好食過佢好多嚟咗嘅人，祝福你一行四人，啱啱食完返到屋企就開始寫呢篇嘢佢分A B C D餐，諗住食好啲揀咗個C餐因為朋友生日想去食好啲，點知對佢唔住頭盤放低都好靚嘅嗰個，唔知乜乜西冷 和牛（係有人幫你燒埋）之後嗰啲冇啦當然跟住再有幾款唔同嘅牛，order完佢冇名稱喺上邊，所以你食咗啲咩牛係邊款係完全唔知，唔緊要！坐低少少熱，食完個西冷和牛之後嗰啲大件事打開出嚟，完全未溶晒雪，都唔緊要啦等咗10分鐘，然後先開始燒，其實都係硬硬地，朋友一路燒俾我哋食，我哋逐個一路𡁻，以為係自己彭牙有問題，但四個人一齊吐出嚟係咬吾到，好我哋再嘗試！失敗咗，冇辦法吞落肚，又硬又冇牛味，難食到嘔，order海鮮啲蝦老過個呀婆，霉都食垃圾咁，叫咗啲豪望到已經覺得食咗會肚痛，勁難食，海膽係苦嘅！燒到中段已經覺得缺氧，完全冇冷氣，以為喺街邊大排檔！仲要食左$28xx.,主啊我今日到底食咗啲咩落肚、呢一生人未試過食咁難食，仲要係呢個價錢一個餐紅日七百幾蚊再加一！去到最後發現隔籬枱食緊C餐，有隻船嘅物體，問返侍應，原來頭先一路都冇俾我哋，但係我哋已經食完。