Video
Read full review
2019-05-16
863 views
今日約左女友係銅鑼灣食午飯。入到Hugo Le Restro Grill 猶如置身舊式西餐廳，尤其係深紅色長梳化，以前我細個經常要爭住坐長梳化，特別舒服。今日好好彩可以坐係卡位，獨享長梳化。餐廳有十款Lunch set，價錢算公道，大約$80至$150。餐廳其中一個賣點係自助沙律吧。當中有粟米、沙律菜、麵包糠、煙肉粒，甚至有我最鍾意嘅秋葵。款式比我想像中更多。醬料選擇亦算多，我就揀咗黑橄欖油。餐湯係粟米湯，廚師將粟米整碎，所以每一啖都充滿粟米既口感。 呢個法包可以話係我食過咁多西餐既餐包最正。有別於一般餐廳淨係比一兩片麵包，hugo Le Resto Grill提供整個麵包，仲幫客人分左五片左右。另外牛油預熱過，加上麵包上菜時熱辣辣，所以牛油特別好塗。麵包非常軟熟，外皮稍脆，加左牛油無得彈。女友揀左日式燒板豚肉配薯菜。賣相樸素，但味道幾驚艷。肉質厚實，肉汁濃郁。至於我就叫左美國頂級牛板腱扒。意粉落左橄欖油，所以唔會太乾。Flat Iron非常大件，肉質相當鮮嫩，顔色正正係五成熟應有既紅色。套餐仲包一杯飲品，真係幾豐富。難得可以係熱鬧嘅銅鑼灣體驗一個悠閒嘅午餐，更難得嘅係餐廳連餐包都非常
餐廳有十款Lunch set，價錢算公道，大約$80至$150。
餐廳其中一個賣點係自助沙律吧。當中有粟米、沙律菜、麵包糠、煙肉粒，甚至有我最鍾意嘅秋葵。款式比我想像中更多。醬料選擇亦算多，我就揀咗黑橄欖油。
餐湯係粟米湯，廚師將粟米整碎，所以每一啖都充滿粟米既口感。
呢個法包可以話係我食過咁多西餐既餐包最正。有別於一般餐廳淨係比一兩片麵包，hugo Le Resto Grill提供整個麵包，仲幫客人分左五片左右。另外牛油預熱過，加上麵包上菜時熱辣辣，所以牛油特別好塗。麵包非常軟熟，外皮稍脆，加左牛油無得彈。
女友揀左日式燒板豚肉配薯菜。賣相樸素，但味道幾驚艷。肉質厚實，肉汁濃郁。
至於我就叫左美國頂級牛板腱扒。意粉落左橄欖油，所以唔會太乾。Flat Iron非常大件，肉質相當鮮嫩，顔色正正係五成熟應有既紅色。
套餐仲包一杯飲品，真係幾豐富。難得可以係熱鬧嘅銅鑼灣體驗一個悠閒嘅午餐，更難得嘅係餐廳連餐包都非常用心。
Post
