香港郵意明信片航海主題咖啡廳 (Moved) New Location

本身對依家餐廳都無乜特別期望嘅，一入到見到寫住話會黑面已經覺得有啲特別。店員真係由頭到尾無理過又黑黑地面，就連落餐都無講過野。其實都算，但求都係填飽個肚。重點係叫咗個黑松露白汁野菌焗飯，誰不知一黎到係一碟碟頭飯。當堂呆咗呆，睇咗餐牌好多次，係咪我嗌錯。但無理由吖，明明係焗飯，baked㗎嘛。完全唔理解點解會變頹飯，仲要個汁度撈埋啲意粉碎。啲飯唔熱之餘，仲要又濕又林。好令人失望嘅一餐，78蚊食啲咁嘅野。。。仲要見住個店員一路煮就一路打機，其實真係未食過一間餐廳係咁差。真係差到係要開acct寫食評，唔寫對唔住自己。