Video
Read full review
2017-12-29
71 views
每次去日本一定會去居酒屋，因為好多打工仔放左工都會去果度飲返兩杯、食下串燒~同朋友聯宜下，成日聽到好多笑聲~氣氛真係好好。和居和居暫時係我去過，味道、氣氛同日本最接近嘅。利申: 我對酒精敏感，所以每次都係有得睇無得飲日本河豚干 – 佐酒一流!烤得好香好香，一啲都唔乾又唔鞋口，最重要係一啲腥味都無，一路傾偈一路食下，食多幾條都唔覺得滯鴨吞串 – 又係佐酒野~因為鴨吞本身無乜味，鹽燒嘅味道就啱啱好，一啲都唔咸，啲軟骨真係好好食炸雞件 – 無錯，依然係佐酒野! 個皮好薄，炸得好脆口，唔會覺得好油膩，啲雞肉仲好嫩好多汁，無得輸雞干串 – 睇落好似好唔健康，因為覺得膽固醇會超標，不過佢真係好值得推介，件件都好滑又好實在，連埋個烤醬燒真係丁點肥膩都唔覺，所以食一次半次就由佢啦～洋蔥串 – 呢個好明顯係想減低罪惡感，不過佢都好好食，燒到好淋，無左洋蔥果種獨有嘅辣味秋葵串 – 可能好多人都唔鍾意佢滑’san san’，但我又ok喎，因為佢太有益~除左有蛋白質，仲有豐富的維他命A和B、鈣、磷、鐵。始終食得太多唔健康嘅野係要食返啲有益嘅平衡下煮豬腸雜 – 顧明思義係乜都有啲，豬腸、豬肺、連蘿蔔都炆得好淋好
利申: 我對酒精敏感，所以每次都係有得睇無得飲
日本河豚干 – 佐酒一流!烤得好香好香，一啲都唔乾又唔鞋口，最重要係一啲腥味都無，一路傾偈一路食下，食多幾條都唔覺得滯
鴨吞串 – 又係佐酒野~因為鴨吞本身無乜味，鹽燒嘅味道就啱啱好，一啲都唔咸，啲軟骨真係好好食
炸雞件 – 無錯，依然係佐酒野! 個皮好薄，炸得好脆口，唔會覺得好油膩，啲雞肉仲好嫩好多汁，無得輸
雞干串 – 睇落好似好唔健康，因為覺得膽固醇會超標，不過佢真係好值得推介，件件都好滑又好實在，連埋個烤醬燒真係丁點肥膩都唔覺，所以食一次半次就由佢啦～
洋蔥串 – 呢個好明顯係想減低罪惡感，不過佢都好好食，燒到好淋，無左洋蔥果種獨有嘅辣味
秋葵串 – 可能好多人都唔鍾意佢滑’san san’，但我又ok喎，因為佢太有益~除左有蛋白質，仲有豐富的維他命A和B、鈣、磷、鐵。始終食得太多唔健康嘅野係要食返啲有益嘅平衡下
煮豬腸雜 – 顧明思義係乜都有啲，豬腸、豬肺、連蘿蔔都炆得好淋好入味
燒日本魚餅 – 兩面都燒到脆卜卜，魚味夠肉質彈口，一啲魚腥味都無，啱晒啲怕食魚又怕骨啲人
最後黎個咖哩烏冬 – 雖然無配料，但麵質煙韌，淨係配個少少辣嘅咖哩汁都夠晒惹味
最後要講下點解我鍾意呢度嘅氣氛~就係食飯果陣不停聽到廚師同坐喺bar枱嘅客人有講有笑，而餐廳嘅熟客又會非常好客咁幫其他人添酒，你唔會有丁點兒尷尬，只會覺得好溫馨好和諧，呢個畫面喺香港真係好耐都無見過。
Post
