Video
Read full review
2018-05-03
1285 views
友人近日迷上了吃青口，早排先至陪佢去尖沙咀食完青口放題，近日又嚷著要再去重溫。其實要吃美味的青口，又唔一定要過海嘅，今次就一於由我作東，帶好姊妹去吃青口煲，兼歎比利時菜。一提起比利時菜，相信大家第一時間一定會諗起「Frites Belgium on Tap」。對，這間比利時啤酒屋，在港島區共有四間店舖，而是晚到訪的中環分店，就設於靜中帶旺的威靈頓街 The Wellington 1 樓。餐廳地方頗大，佔地甚廣，裝潢典雅，帶歐陸色彩，用餐區非常闊落，分成左右兩邊，而中間就以偌大的酒吧檯作間隔，配上開揚的大露台，環境舒服寫意。桌上的墊檯紙其實就係餐牌，食物款式主要分為六個項目，包括 Starters、Sides、Mussel Pots、Frites Vegetarian Board、Frites Healthy Board 及 多款 Mains。另外亦有一本 Snacks 及飲品餐牌同和一份甜品餐牌，選擇非常豐富。熟識筆者的朋友都知我愛喝凍飲，不過這晚有輕微抱羔，所以決定先點客 Flemish Onion Soup ($85) 暖下胃。洋蔥湯熱辣辣上檯，湯面放有一塊鋪滿半溶芝士嘅法包，法
友人近日迷上了吃青口，早排先至陪佢去尖沙咀食完青口放題，近日又嚷著要再去重溫。其實要吃美味的青口，又唔一定要過海嘅，今次就一於由我作東，帶好姊妹去吃青口煲，兼歎比利時菜。一提起比利時菜，相信大家第一時間一定會諗起「Frites Belgium on Tap」。
對，這間比利時啤酒屋，在港島區共有四間店舖，而是晚到訪的中環分店，就設於靜中帶旺的威靈頓街 The Wellington 1 樓。餐廳地方頗大，佔地甚廣，裝潢典雅，帶歐陸色彩，用餐區非常闊落，分成左右兩邊，而中間就以偌大的酒吧檯作間隔，配上開揚的大露台，環境舒服寫意。
桌上的墊檯紙其實就係餐牌，食物款式主要分為六個項目，包括 Starters、Sides、Mussel Pots、Frites Vegetarian Board、Frites Healthy Board 及 多款 Mains。另外亦有一本 Snacks 及飲品餐牌同和一份甜品餐牌，選擇非常豐富。
熟識筆者的朋友都知我愛喝凍飲，不過這晚有輕微抱羔，所以決定先點客 Flemish Onion Soup ($85) 暖下胃。洋蔥湯熱辣辣上檯，湯面放有一塊鋪滿半溶芝士嘅法包，法包吸收左洋蔥湯的香味，加埋鹹香的芝士，很美味。湯身呈深啡色，呷一口，味道非常濃郁，再用匙舀起一看，原來碗內盛著大量煮至腍身的洋蔥絲，入口充滿洋蔥香，毫無澀青，為湯頭添上絲絲甜美。
這杯是友人點的 Monk-IE Business ($50)，飲品其實係用 iced tea 及 lemonade 調製而成，入口微甜，帶檸檬的清新香味。
頭盤點了賣相精緻、顔色鮮豔奪目的 Crab Tian ($135)，千層塔用料非常豐富，絕不吝嗇，除左有啖啖鮮甜的蟹肉同大量香滑的牛油果外，還加入了芹菜、蠶豆、蕃茄和豆苗，並用奶油醬汁調味，再以檸檬油醋汁提鮮，食落酸酸甜甜，既清新又開胃，配搭一流。旁邊的多士超香脆可口，用來拌吃，實在太令人滿足了！
再揀個香口小食，選了 Prawn and Crab Balls ($80)，炸蟹肉蝦球一份有五個，新鮮炸起，上桌時外表呈金黃色，外形脹卜卜、圓碌碌又大大粒。切開後可以清晰見到入面有絲絲蝦肉同蟹肉。馬上嘗一口，外層熱辣鬆脆，口感彈牙又有鮮味，配上頂頭的蛋黃醬，啖啖滋味。
輪到吃友人最期待的招牌青口，一共有六款口味可供選擇，而分量就可以揀 1/2 kg 或 1 kg。雖然知道友人勁愛吃青口，不過還是提議點 1/2 kg，因為可以留肚試下主菜同餐廳嘅甜品。點了 Laksa Mussel Pot ($245/0.5kg)，餐廳選用來自澳洲的藍青口，即叫即煮，上桌時已經聞到椰香撲鼻。撈起細看，隻隻外形飽滿，新鮮「開口」，肉質幼嫩有彈性，而且由於用左香茅、青檸同青咖哩醬等材料烹調，食落帶點辛辣，味道豐富但又唔會搶去青口的鮮味。食完青口，記得用薯條同多士蘸點剩下的湯汁吃，一滴都唔好嘥！
筆者愛吃魚，主菜就一於點客 Norwegian Salmon Fillet ($235)。三文魚扒切成長條狀，非常厚身，旁邊有薯仔、洋蔥同香橙伴碟。將三文魚扒翻轉，底下的魚皮煎得金黃脆口，味帶鹹香。把魚肉輕輕切開，魚肉僅五成熟，呈嬌豔的粉橙色，入口細滑，三文魚味出眾，吃時伴以檸檬刁草醬，味道更香。
吃到這裡，其實已經好飽，不過愛甜嘅我又豈會錯過店裡的甜品，一於試埋這客 Sticky Date Pudding ($75)。布甸的質感同蛋糕好相似，唔算太濕潤，食落夠曬熱暖，帶棗蓉的甜香；而周邊就滿佈深啡色的 Butterscotch Sauce，加上頂頭的忌廉，令味道顯得豐富多變，食味十分動人，比心太軟更好吃，超推介！
如果飲得酒嘅朋友，大可不妨啤啤佢，聽鄰座嘅食客講，餐廳的比利時麥啤味道唔錯，麥味幾重，另外仲有隻蜜糖啤酒，甜甜地，非常適合女士飲。
Post
