雲南風味過橋小鍋米綫

Open Now

Now Closed

好耐之前問過一位司機有關長沙灣既食店，當時佢推介左呢間米線店，之後睇埋網上既評價，都讚佢米線好食，尤其係佢既氣鍋雞。雖然想食，但深知一個人唔會食得哂米線加雞。終於等到有朋友要去黃金睇電腦產品，所以就捉左佢陪我試😆。氣鍋雞 $98職員一拎上枱就掀開個蓋，一陣陣雞味，非常香!🤤! 呢度係用芝麻雞，肉唔多，兩個人Share岩岩好；肉質唔滑亦唔算太鞋，可以接受；雞無腥臭味，因為用左好多胡椒粉同酒去煮，所以隻雞幾濃味。雞下面舖左好多木耳，木耳吸哂d精華，雖然好油，但我覺得比雞更好味😋全套過橋米線 $50原來呢度既過橋米線咁傳統，湯、麵、料分開上，但當我撈哂之後，職員先話我知次序應該係先落料後落麵😮。呢度既米線係我食過咁多間裡面，最彈牙既一間；配料當中，我比較中意腩肉，厚實又唔鞋，一改我對腩肉既印象晚上七點左右已經爆場，估唔到附近咁多美食，但呢度都不減人流😯。