峰壽司 (Closed)

夜晚10點去，好多人係門口等緊位，等到差唔多11點先至有位，估唔到宵夜時段都咁受歡迎。峰玉子 -- 好滑好香！好有蛋味！夠足料，明顯無溝咁多水煮。特長幔魚壽司 -- 好味道，幔魚夠大條，唔多骨，食落好有滿足感。一碟得一個，所以最好一人一碟。軟殼蟹手卷 -- 好脆，不過唔夠元氣咁大件抵食。帶子壽司 -- 帶子幾鮮味，值得一試。芥辣八爪魚 -- wasabi份量多，夠晒辣。仲食左好多野，埋單都係$100一個人，以食物質素同價錢比軟，峰壽司真係抵食！可惜服務麻麻地，叫人加水叫左好耐都無人應。又俾錯人地order的壽司俾我地。埋單搞左耐，好在唔趕時間，慢慢等都ok。