花見月 (Closed)

科學園餐廳選擇其實唔算好多，日式料理就更加少🥲，小編又突然好想食下日本野，於是見到依間餐廳企企理理就入咗去試吓。😋平日午飯時間人流都幾多，餐廳提供的午市套餐選擇超過廿款，有定食、有拉麵、有烏冬、有壽司，選擇困難症嘅我最後揀咗特選壽司🍣配烏冬，貪佢樣樣都有，試多啲。特選壽司🍣共有八件，六件刺身加兩件卷物，除非海膽同帶子之外，其他都唔算好吸引，水準跟元氣壽司差唔多，烏冬就更一般，完全食唔出手打烏冬嘅彈口。