味皇小廚餐廳 (Closed)

響公司加班，通常都叫呢間，因為大大份，有湯加飲品，港島區算抵食，今晚我叫白汁芝士雞扒煙肉長通粉，加熱菜蜜，羅宋湯，可能我哋人多叫外賣，個長通粉來到唔算熱，只有微溫，所以裡面嘅白汁凝固了，不過配料嘅雞扒同煙肉好多，味道亦好，加番分，不過個紅湯一打開即刻覺得唔對路，只有半碗（相片我係未食過影低，可見份量幾少）味道亦都香濃，材料亦足，菜蜜來到時也只有微溫，（之前已寫過，我最討厭食物唔夠熱）所以今次有D失望，呢間餐廳我未試過堂食，只試過外賣，水準一向保持得幾好，尤其個焗咖哩牛腩長通粉，我嘅至愛，希望今次只係一次性失手！