泰式燒王 (Closed)

上次試過覺得唔錯，所以再番去。坐低叫咗3樣嘢：海鮮沙律、泰式燒雞、芋頭焗飯及一個椰青。先講海鮮沙律─酸辣程度略為偏辣，所以叫咗個椰青！如果食得辣呢隻會唔錯！泰式燒雞今次就頗為失望，因為明顯係雪藏貨仲無乜味！無泰式辣醬吊味，就好似水滸傳魯智深話齋：淡出鳥來！最後想讚芋頭焗飯：除咗料足、飯香，軟硬適中，值得推薦！臨尾仲有段小插曲：俾咗人地張二百幾嘅單我！調查變咗$162，不過又計錯沙律，結果係$166落樓！如果你唔太要求服務質素同接受水準參差，你都可以試下呢間嘅！如果呢餐碟雞可以有番上次嘅水準，我會俾好高分佢！