The Francesco

Open Now

Now Closed

今次到大全街食晚飯，由於時間尚早，就入咗去一間已營業的餐廳。雖然話六點開門，但入到去時，所有人都不在狀態，部分都在排椅上睡覺，進入時驚醒他們真不好意思。餐廳本身算乾淨企理，也方頗大，但擺枱算密，共有約80個位，好似飯堂咁大。人均消費大約200至400，唔係資料上寫的100至200。這個價位在大角嘴算係正常。叫咗個西冷，佢問我要幾熟，我話五成，結果係全熟的，塊扒亦偏薄，雖然擺盤ok但食落真係乾韌。還有牛肝箘闊條麵，較淡而且有點沙。其中頭盤、湯及甜品係我認為最好的。我由6:30食到8:00，總共只有三枱客，一個飯堂咁大，實在係可憐。個人覺得呢個係香港食店的通病，首先，食店內每個人都唔想做客少就企埋角落頭傾計，盡量等啲客見唔到，避免俾佢見到會叫你做嘢，俾你叫到佢，就會木口木面咁。睇嚟，香港都仲要有排調整。