灘萬日本料理 (九龍香格里拉) (九龍香格里拉大酒店)

Open Now

Now Closed

呢一晚係慶祝父母嘅結婚週年，因為有一段時間未食過高質嘅日本餐，所以就決定係嚟日本百年老店Nadaman 響香港開嘅第一間分店試食鐵板燒。是日選擇咗 $780嘅 「舞」套餐 (Beef Course)。前菜首先嚟咗個野菜沙律配日本胡麻醬，同埋浸係日式高湯（Dashi/出汁）入面嘅菠菜。個沙律係放係一個冰凍嘅碗入面，所以由上菜到進食期間嘅時間都能夠保持低溫。同時，所有嘅菜葉亦非常新鮮同埋爽脆，同甜甜酸酸嘅胡麻醬撈埋一齊極之開胃，既有驚喜又好味 😋！另外，個暖暖地嘅波菜係Nadaman 嘅經典前菜，同之前係東京食過嘅都係同一水準，尤其係日式高湯嘅柴魚味道好突出，實屬不錯。跟住就上咗第一道鐵板燒嘅菜式 —— 大蝦 🦐。每人分到三件蝦肉、一個蝦頭 (膏)、同埋壓扁咗嘅蝦腮，個人認為份量都算OK。蝦肉鮮味十足，調味份量亦恰當，唯獨是過熟咗少少，所以肉質介乎彈牙同韌時間，還可接受。蝦頭的膏充滿蝦油，非常香，好食。蝦腮就有啲似日本嘅蝦餅，好脆同蝦味好足，都唔錯。接下嚟嘅就係帶子。帶子嘅 size 都頗大，算係對得住呢個餐嘅價錢。帶子嘅表面上有焦糖化，內裏就煮到大概8成熟，同蝦一樣都係鮮味十足。帶子嘅汁