加東叻沙蝦麵

Open Now

Now Closed

今日上環有交收，先去永樂園食隻孖腸，再慢慢行去上環地鐵站。交收完畢11:30，不如早少少食lunch，孖沙街係前面，就去食喇沙。去到舖頭，一個客都冇，直接入去，個店員叫我出去等等，我問佢哋開幾點，店員先知搞錯咗，以為我係送貨🤣🤣，冇辦法啦，我當時個look又幾似送貨😆好快咁就落咗單，一碗喇沙一杯薏米水。幾分鐘兩樣都到齊。點解鍾意佢地D喇沙，好大原因係因為鮮蛤！香港食喇沙有好多地方，但會落鮮蛤真係少之又少，其實鮮蛤係喇沙個靈魂，唔好睇少個幾粒嘢，提鮮作用真係好大，有同冇係兩個層次。佢哋D鮮蛤好新鮮，湯都好夠味，抵讃👍🏼湯都俾我飲晒，因為太愛喇沙！好高興佢哋保持到水準，會繼續支持。