媽咪雞蛋仔 (Moved) New Location

木偶馬介休雞蛋仔食過好多次媽咪雞蛋仔 今次叫左個期間限定既馬介休口味唔熟行既未必知馬介休係乜東東 如果有去開澳門就知馬介休係澳門既葡國菜名物 整法多樣 我最鍾意炸馬介休球當然雞蛋仔緊係唔係玩炸 唔識食既我就唔係好食得出馬介休 不過係幾特別 從未試過既味道 唔算重口味 趁熱食尤佳 整體黎講可以一戰 何況期間限定完好可能無左心水清會留意到馬介休前面叫木偶 相信係同澳門既木偶葡國餐廳crossover而黎 澳門咁多間葡國餐廳木偶好似都係老牌 我自己就未試過 不過諗到黎香港合作搞雞蛋仔又真係有創意伯爵茶朱古力雞蛋仔 粒粒朱古力係我幾鍾意既口味 今次試伯爵茶朱古朱古力味無粒粒果款似咁濃 亦即係話無咁甜 而多左既伯爵茶元素就清晰食到出黎 雖然我個人偏好粒粒 不過貨都叫對哂板 而且可能更加適合唔鍾意太甜既朋友媽咪雞蛋仔除左雞蛋仔同格餅 有兩款飲品叫 分別係檸茶檸水 雖然飲品款普通 不過跟雞蛋仔叫可以減幾蚊 檸檬酸都幾開胃 咁岩又想飲野既就諗諗佢