意日菜 (Closed)

係呢間餐廳樓上住 , 由三年前搬來的第一天就來呢度食野 , 還記得第一次確係有些驚喜 , 最印象深刻是 [ 鐵板海鮮炒飯 ] 和 [ 石頭鍋飯 ] , 反而門口大大張海報介紹的芝士拉麵我冇打算試 , 這間餐廳另一個吸引我的因是沒有加一 , 所以開頭都一個月去左兩三次 , 但後來發覺它 [ 得 ] 既食物只有個三兩樣 , 其他 [ 唔得 ] 既就真係好唔得 , 所以幾年來都係去左幾次 , 今日因為趕住做野 , 就係樓下快快趣搞掂 ~朋友照舊叫左個 [ 石鍋牛肉飯 ] , 呢樣算店中比較有水準的食物 , 牛肉幾香 , 配料有椰菜 , 海帶 , 紅蘿蔔絲 , 還有一隻未熟的蛋 , 俾你同 d 飯擄勻來食 , 不過飯焦就欠奉 我就叫左個 [ 黑椒牛扒飯 ] , 睇相片都脫到好普通 , 只有椰菜伴碟 , 黑椒汁同牛扒都無咩得特別, 即係唔係唔好食 , 但又唔特別好食 特別一提的是 : 如果你在下午茶時間幫襯 , 以上的飯可以平五元 , 餐飲都有好多款 , 我比較喜歡的是珍珠咖啡和金桔檸蜜 ~綜合來說 , 這間餐廳的食物沒有驚喜 , 有些甚至不會再叫 , 水準很參差 ; 而服務方面亦是我不想去的