鐵飯碗

Open Now

Now Closed

海外同事來港工幹, 相約放工一齊食餐飯聚下, 為就佢方便, 選址佢住嘅灣仔皇悅酒店, 地庫其中有間主打星馬菜餐廳。餐廳以藍白色做主調, 裝潢格局新派典雅, 座位闊落舒適。午市同晚市茶芥統一, 選擇茶種而定價, 選擇了龍井 $32/位 點菜後送上小食蝦片, 香脆可口。【香茅煙燻脆皮鴿】HK$88乳鴿被煙霧濃罩著, 上檯開蓋, 散發濃烈煙燻味; 乳鴿皮微脆, 肉嫩超多汁, 還滲出陣陣煙燻香, 清香滋味, 推介!【肥仔芽菜海南雞-半隻】HK$238海南雞已被去骨, 雞皮呈天然淡黃, 皮爽肉超嫩滑, 配上三款傳統海南雞醬汁, 味道更提升! 墊底仲有爽脆芽菜。【江南香煎大頭蝦】HK$188原來大頭蝦超大隻, 而且厚肉, 開邊泡油, 鎖住了鮮味肉汁; 蝦肉爽口, 鹹甜汁醬平均包住了整隻大頭蝦, 夾集香蔥入口, 很惹味。【金絲麥片軟殼蝦】HK$188軟殼蝦微爽, 蝦殼薄, 口感有如平時食軟殼蟹般似的, 直接入口唔會過油, 麥片口感有如炸皮碎, 整體特色美味。【椰汁芋圓紫米露】HK$68椰汁味濃郁, 紫米同埋芋圓各有不同煙韌口感, 口感有層次, 整體甜度剛好, 滿足。