品香樓中西風味餐廳

Open Now

Now Closed

真係撞鬼，依篇食評既相，我足足Upload左2個星期有多。有時Upload到1,2張相，有時1張都Upload唔到今次係太婆生日食飯，因為就老人家唔去得遠；所以就係佢地家附近既品香食晚飯啦。品香，曾經係我家成日去食飯既地方，Lunch又去，Dinner又去，因為又近又好食嘛。以前既排骨粗炒，上海粗炒都好好味呢；重有炸鮮尤，炸銀絲卷。不過依家有D野冇左囉，質素亦冇以前咁好食；價錢重貴左好多添。落完單冇耐，好快就上左2隻乳鴿。我自己就對乳鴿一般，但在場的其他親友都話好好味。糯米飯，因為有臘腸，我聞到陣味就唔想食啦。但係公公食左幾碗話好好味。鮮腐竹好好味，但係旺菜切得勁大舊，一舊已冇左1/4碟。跟住就算舊細舊D的，都重係好大舊依個牛肉一上枱就好吸引，因為要點火既；不過係賣相囉，味道就冇乜特別啦。而且一直燒住，其實夾餸時都有D麻煩。西蘭花墨魚帶子，好一般既菜食，冇話特別好唔好食。帶子份量都幾足；我地有8個人左右，一人最少食到一粒。令人失望冇味的炸鮮尤，曾經品香既炸鮮尤係好好味架；但係依碟真係唔得，完全冇味，炸得又唔夠，總係差DD咁。老人家同小朋友最愛的咕嚕肉，就咁睇好似只係得肉，其實D青椒，菠