茶墨 (Closed)

小店主打水墨風手搖飲品，另外仲有低脂意大利雪糕，各款口味既自家製蛋糕。麻糬芝麻烏龍鮮奶茶：呢杯飲品簡直稱得上係藝術品，黑白色互相交錯著，真係好似一幅水墨畫咁，賞心悅目！味道醇厚既烏龍茶底，加入左濃郁既芝麻醬，茶香得嚟又帶有豐盈既奶味，配上煙煙韌韌既麻糬，口感非常有層次。 士多啤梨雪糕奶昔：成杯飲品呈迷人既粉紅色，仲有一大球雪糕喺杯面作為裝飾，見到已經令我心花怒放！奶昔用左低脂意式雪糕 gelato，感覺無咁邪惡，士多啤梨味道酸酸甜甜，奶味濃郁而且好幼滑，仲有飽肚既感覺。富士蘋果芝士蛋糕：芝士蛋糕口感鬆軟，中間夾左粒粒清甜既蘋果，面層仲鋪滿芝士碎，清新又好味。總結，手搖飲品款式多，味道創新，店員服務好，下次會再嚟幫襯其他期間限定既口味。