魚川居 (Moved) New Location

今日lunch約咗朋友喺觀塘食飯，因為佢喺觀塘返工，所以佢知邊度有好野食，我話想食四川野，佢就帶咗我黎呢間食，睇睇餐牌，午餐都幾多選擇，價錢都唔算貴，好大眾化。水煮魚配飯，佢其實可以配淮山麵，薯粉，米線或者烏東，因為驚d湯太辣吸晒入d麵果度食唔到，最終配飯穩陣d,佢地d水煮魚份量都幾多，有好多魚肉片，d魚片食落好嫩滑，個水煮汁好惹味，仲有好多配菜喺入面，包括木耳，萵筍，芽菜，芹菜，呢個餐都幾抵食。魚川醬手撕雞冷麵，原來魚川醬係雙色醬，分別有麻辣醬同麻醬，原來呢2隻醬撈埋都好夾，佢地嘅雞絲份量都幾多，而且d雞肉一d都唔鞋，而個冷麵都好大份，撈埋佢地嘅芝麻醬，好好味，呢個芝麻醬係帶有甜味，真係越食越想食。