花開家傳

Open Now

Now Closed

由於本身好鍾意食水餃、雲吞，所以一直好想試下屋企附近那間註明‘’傳承四十年，經典鳳城水餃‘’的花開家傳🥰。今日一個人的晚餐，咁就買個外賣返屋企試下啦🤭。鳳城水餃麵 $42不愧為招牌菜式，水餃果然名不虛傳🤗，水餃大大隻而且仲有4️⃣隻之多，全部皮薄餡料多😍；鮮蝦🦐彈牙，而且豬肉🐖新鮮，竹筍、木耳等份量亦剛剛好，整體水平係高質嘅，好好食😋；另外嗰麵無咩鹼水味而且麵條口感非常煙韌🥰，同樣出色😍。總括而言，水餃非常出色，本來真係好想試下佢地嘅雲吞，但...我相信我唔會再幫襯😒，原因係佢地嘅服務，第一，全間店舖只有1️⃣個店員，負責帶位，落單，執枱和收銀，小店面積唔算大，但當日已經爆滿，1️⃣個人當然應付不下；第二，我這碗水餃外賣足足等了2️⃣0️⃣分鐘，如果我唔係要求那唯一的店員入去問廚房，我唔知仲要等幾耐.....出色嘅食物水準，可惜給服務拖垮了。