The Pudding Nouveau (Closed)

今日下午16:15嚟到，店內得一檯客人，坐低諗住嗌佢熱門食物: 烏龍茶焦糖炖蛋，雜果窩夫及朱古力奶昔。 點知店員話: 沒有烏龍茶味炖蛋，介唔介意原味; 窩夫唔夠貨，全部都冇; 朱古力奶昔冇曬，介唔介意轉綠茶奶昔。 於是帶著遺憾的我們轉了食: 三重奏(原味炖蛋+Tiramisu雪糕+梳乎厘)，朱古力心太軟。⏱⏱⏱⏱⏱⏱⏱⏱⏱⏱⏱⏱⏱⏱⏱⏱ 經過一輪漫長等待，三重奏終於到咗，賣相還好，但食咗一啖梳乎厘後，大感失望，完全無法接受其味道，死甜之餘仲要有啖燶味🤢; 再食一啖炖蛋後，感到極度不安，炖蛋有股吞拿魚味，懷疑廚具共用沒有洗淨🤮; 最後食啖雪糕，好彩雪糕正常。⏳⏳⏳⏳⏳⏳⏳⏳⏳⏳⏳⏳⏳⏳⏳⏳ 本以為依碟三重奏的等待時間長，點知原來朱古力心太軟更耐，等到17:45，我已經按捺不住，問店員再需要幾耐，店員話 “就到就到”，點知等到18:00仲未整好。我問店員: “我地嗌咗個朱古力心太軟整好未”，店員話 “1分鐘”。 點知，等到18:15先整好，一上碟，心太軟乾到個外層碎裂，心太軟不流心，真喺可以用”極度差”去形容。