Burger Lab

Open Now

Now Closed

今晚又來到佐敦，知道附近有間特色小店，專門做漢堡，我平時有吃過麥當勞，又吃過紅墈最出名的漢堡飽，我覺得當然係専門店比較出色。呢間小店裝修，似快餐店多些，坐椅用上高椅，而且坐位全部面壁，如果重點係漢堡飽就唔介意，溫馨提示：不適合情侶談心。我們要了特級牛肉漢堡($88)，豬頸肉漢堡($58)轉餐加$22，可以有蕃薯薯條或馬玲薯條及飲料，最後還要了一個蜜糖烤菠蘿($32)。特級牛肉漢堡，內有兩層牛肉、洋蔥、煙肉、蕃茄、生菜、美式芝士、水煮蛋。漢堡牛肉的肉汁都幾多，配合咁多材料，味道更加好。由於份量好多，我試圖將全個漢堡壓扁，結果都放唔到入口，怪不得店員未送上漢堡，已經將手套、濕紙巾、紙巾給了我們。豬頸肉漢堡，包括有豬頸肉、菠蘿、生菜、洋蔥。我覺得呢個飽，最凸出及聰明的地方，是用上菠蘿為餡料，因為豬頸肉都幾肥膩，如果沒有酸酸甜甜的菠蘿，我想不會我們不可能吃哂全個飽。蜜糖烤菠蘿，燒烤時間差少少，近皮的地方未係好熱，不過個菠蘿真係好甜。至於跟餐的蕃薯薯條及馬玲薯條，就非常脆，不過我們還是喜歡吃馬玲薯條多些。