Sixer Burger (Closed)

今日出到荃灣尋找漢堡而且仲有炸物添，當然是在openrice查過，評分唔底先去試啦。先到的水蜜桃荔枝沙冰都幾好飲，天氣熱，飲一啖涼晒，而且好濃水果味，仲要飲又得食又得之後是炸籃，新鮮熱辣，十分脆口，不過，不論蠔，蝦，魚都係無味，不過又不過，無雪味都已經好好，所以一定要點沙律醬同茄醬。漢堡到，其實個漢堡係幾好食的，不過，個漢堡扒有 碎骨，而且不同食開的漢堡扒一樣，這個漢堡肉不是全攪碎的，感覺是將薄切肥牛壓成漢堡一樣，所以感覺怪怪的，不過有新鮮感。而周打蜆湯唔錯，係d薯仔大粒左d。百幾元一個人頭，價錢偏貴，味道一般，不過勝在即叫即做，熱辣辣上枱。