Video
Read full review
2009-04-06
3 views
平時成日睇人地寫的食評，拎下料先去食飯，從來都只係想寫，但一直都無動手，但今次真係頂唔順，食完飯已經想即刻寫，實在要感謝陳小姐的「鼓勵」認識此店係因為陳妙英、係因為間野曾經被劫，一直認為名人開的食店唔差得去邊，皆因老細有頭有面都唔想整臭自己個大名，點知原來真係所有野都有例外。先講訂位，我地一行8人去左大圍的分店(其實都唔只呢間有問題，之前已經聽人講其他分店的「好」野，只係唔信走去試下。)，星期六去預左人多已經訂定位，朋友下午已經打去訂位。我地比原定時間早左15分鐘到，去到要等都唔奇，皆因係我地早到，等下都無所謂。點知，等等等等等........... 等了又等，一時話有人埋緊單好快，一時又話已經執緊好快，點知都係等等等，walk-in的客比訂左位的仲快，都唔知點解要訂位。好聲好氣問門口個招待員，個女人不但態度差，且非常無禮貌，仲要同你理論，9位walk-in的比8位訂座的快，因為人地係9位，實在不知所謂，睇唔出8位同9位張table爭得幾遠，等位時已一肚氣，原本有朋友話走，但又有朋友認為都等左咁耐，加上星期六去其他地方再搵可能仲耐，於是只好繼續等，終於一行8人等左成45分鐘先有位。入
平時成日睇人地寫的食評，拎下料先去食飯，從來都只係想寫，但一直都無動手，但今次真係頂唔順，食完飯已經想即刻寫，實在要感謝陳小姐的「鼓勵」
認識此店係因為陳妙英、係因為間野曾經被劫，一直認為名人開的食店唔差得去邊，皆因老細有頭有面都唔想整臭自己個大名，點知原來真係所有野都有例外。
先講訂位，我地一行8人去左大圍的分店(其實都唔只呢間有問題，之前已經聽人講其他分店的「好」野，只係唔信走去試下。)，星期六去預左人多已經訂定位，朋友下午已經打去訂位。我地比原定時間早左15分鐘到，去到要等都唔奇，皆因係我地早到，等下都無所謂。點知，等等等等等........... 等了又等，一時話有人埋緊單好快，一時又話已經執緊好快，點知都係等等等，walk-in的客比訂左位的仲快，都唔知點解要訂位。好聲好氣問門口個招待員，個女人不但態度差，且非常無禮貌，仲要同你理論，9位walk-in的比8位訂座的快，因為人地係9位，實在不知所謂，睇唔出8位同9位張table爭得幾遠，等位時已一肚氣，原本有朋友話走，但又有朋友認為都等左咁耐，加上星期六去其他地方再搵可能仲耐，於是只好繼續等，終於一行8人等左成45分鐘先有位。
入到去，仲衰，等成10分鐘都無人理我地，終於有朋友忍唔住發火，搵個部長來先有人理下。點左菜後d野好快到，但除左小籠包外，其他都唔熱的.......
小籠包: 可接受，亦是全餐比較ok的
叉子燒餅: d料完全無味
松子桂花魚: 前所未見咁細條，成舊水的桂花魚可以細成咁，真係奇景
酸辣湯: 既不酸且不辣，水稀稀
花鵰醉雞: 確實係冷盤，在雪櫃拎出來即賣
上海粗炒: 油浸一樣
炸春卷: 正名該為炸春卷"皮"
擔擔麵: 全無花生味
高力豆沙: 食到豆沙話你好彩
陳老闆，希望你有機會睇到呢個食評，雖則知你只係其中一個老闆，但我地d食客只係識你只好入晒你數啦! 雖然我地已經講左唔會再有下次再幫襯，但都唔想有其他食客再受難。服務員唔該你train過，尤其係門口0個個，唔該你請過，比d客第一印象已經咁差，大把人已經走左，廚師唔該再搵過，再係咁落去，連單生意都要再搞過。
Post