豚道樂 (百合苑商場) (Closed)

小女子昨晚心血來潮想食拉麵，決定試下呢間，以為放工時間都會幾多人下，但去到出奇地唔洗等位，選擇左bar 枱座位，本人感覺上坐bar枱食拉麵會襯啲，自己點左一個海老拉麵，原來唔係大蝦，只係蝦米仔嘅物體，有點兒失望，不過佢啲湯底好掂播，好濃味，麵質，軟硬度可自由選擇，另外點左牛油粟米，睇落好似好平凡但食落又幾好味，唔會話整得好林又唔會太硬，剛剛好，重有餃子同炸軟殼蟹，呢兩樣就不過不失啦，埋單兩個人合共265，唔算好貴，黃埔區拉麵舖唔算多，呢間都叫做係一個不錯嘅選擇。