連文記冰室

Open Now

Now Closed

其實同同事嚟幫襯不下十次，次次都係食湯米線，湯底係唔錯，份量足。今次因為天氣涼咗嘅關係就點咗個胡椒豬肚雞米線。份量超大，有成四份一隻雞，雞皮唔太厚同肥，雞肉略嫌有啲啲嚡，雞肉味濃。大量酸菜，唔太酸或甜。豬肚都有6-7件，質地唔會太淋亦唔靭，味香唔似食橡膠，算係咁。不過最強同重點就係個胡椒湯底，清香而味濃，濃濃胡椒味又唔會太辣，配上酸菜嘅味道係會一啖一啖唔停咁飲盡個湯為止。其實仲有酸菜魚、花膠雞，雖然我未試過，相信我會去試勻佢啲出名湯底。價錢方面普通米線係正常，其他湯底個價錢會高啲，不過係值得一試！