博多拉麵別天神 (Closed)

星期日佐敦做完嘢，時間尚早，就落尖沙咀行陣街，忽然想食拉麵，於是決定幫襯博多拉麵別天神。呢度用 machine 落單，好處係方便，但係就冇得揀麵質，配料等。套餐較抵食，不過我唔算太肚餓，於是剩係叫咗碗蝦味噌豚骨湯麵。我覺得碗拉麵較出色嘅係湯底，口感稠之餘，味道亦好濃，店家聲稱只用豚骨加純水淆製，絕無味精牛乳豬骨粉。拉麵係幼麵，麵質偏硬，啱哂我口味。配料方面有櫻花蝦，粟米，叉燒，蔥粒同紫菜，唔算豐富，不過質素搭夠，櫻花蝦夠鮮粟米夠甜，唯一係叉燒得兩片薄薄嘅，唔太夠喉😂。