Video
Read full review
2018-11-29
63 views
秋風起，打邊爐，旺角呢邊好多選擇，今日去咗「紅火鮮料火鍋」，喺兆萬中心17樓，朋友食過話抵食，就試下啦。原來呢度地方好大，座位好寬敞，又唔會好焗，有d 餐廳係會成陣打邊爐味，呢度又唔會啊，坐低傾計等食都好舒服。每位$178 加一服務費，價錢以任食來說又真係平， 因為好多餐廳都要$200以上一位。而點菜紙的配料超多，都有好多好嘢食，唔係隨便畀啲丸同腸仔你打邊爐。睇下自助吧有啲咩食住先，見到我最喜歡嘅 拍黃瓜，水煮花生好少地方有得食，仲有一盤紅燒魚塊；醬料吧都好多選擇，最緊要配料是新鮮的，而且乾淨企理。飲品很多選擇，竟然有德國啤酒！成本一啲都唔慳！雪櫃也有很多口味的雪糕，雖然 不是人人喜歡食甜品，但打邊爐後食杯雪糕是最愜意的。食餐前醒胃小菜先！拍黃瓜讚不絕口！辣味和酸味剛好，有北方風味，感覺像回到以前在北京讀書的年代，天天吃令人醒胃的拍黃瓜。紅燒魚塊醬汁味道不錯，夠香濃，可惜放涼了，如果是熱著的話會更好吃。我們在樓下上嚟之前，接過傳單，可以多送一盤刺身，抵食呀！下次大家嚟的話記得都要接傳單。刺身質素不過不失，最緊要是送的，大家食得開心！鍋底選了花膠雞煲， 有半隻雞咁多！食得唔好嘥，叫職員幫
原來呢度地方好大，座位好寬敞，又唔會好焗，有d 餐廳係會成陣打邊爐味，呢度又唔會啊，坐低傾計等食都好舒服。
每位$178 加一服務費，價錢以任食來說又真係平， 因為好多餐廳都要$200以上一位。而點菜紙的配料超多，都有好多好嘢食，唔係隨便畀啲丸同腸仔你打邊爐。
睇下自助吧有啲咩食住先，見到我最喜歡嘅 拍黃瓜，水煮花生好少地方有得食，仲有一盤紅燒魚塊；醬料吧都好多選擇，最緊要配料是新鮮的，而且乾淨企理。
飲品很多選擇，竟然有德國啤酒！成本一啲都唔慳！雪櫃也有很多口味的雪糕，雖然 不是人人喜歡食甜品，但打邊爐後食杯雪糕是最愜意的。
食餐前醒胃小菜先！拍黃瓜讚不絕口！辣味和酸味剛好，有北方風味，感覺像回到以前在北京讀書的年代，天天吃令人醒胃的拍黃瓜。紅燒魚塊醬汁味道不錯，夠香濃，可惜放涼了，如果是熱著的話會更好吃。
我們在樓下上嚟之前，接過傳單，可以多送一盤刺身，抵食呀！下次大家嚟的話記得都要接傳單。刺身質素不過不失，最緊要是送的，大家食得開心！
鍋底選了花膠雞煲， 有半隻雞咁多！食得唔好嘥，叫職員幫手剪開隻雞，食得方便啲，連湯一齊飲，超級好味！簡直就是媽媽煮的燉湯一樣，非常鮮甜，差唔多飲曬成煲湯。我們兩位一人一條花膠，簡直是秋冬滋補養顏鍋。
職員再幫我哋加湯打邊爐，是日海鮮係沙蜆，有蜆煮落個湯度更加甜。我哋點咗呢度出名嘅手打蝦滑、墨魚滑、蝦丸、魚頭，其他的菇類、菜類，數得出的呢度都有得食，選擇超多！
沙蜆真係新鮮，全部都煮到開口，鮮甜又滑，雖然唔算好大隻，但係食海鮮類最重要就是新鮮嘛。
手打蝦丸，真係有一隻隻蝦見到在裏面，成本一啲都唔低，而且非常爽口，香味超濃，好似食緊鮮蝦餃咁，淡淡蝦肉。手打墨魚丸都一樣，裏面墨魚粒粒爽口又香甜，超鍾意食！
由於太喜歡食墨魚丸的關係，試埋手打墨魚滑，一樣咁爽口，咁多墨魚粒粒在裏面！唔好睇佢上菜時好似好少份量，其實煮開之後係可以整到好多粒， 千祈唔好眼闊肚窄。
最難得嘅係有田雞打邊爐，仲要係新鮮即劏。 好少餐廳有得食田雞打邊爐啦，田雞上桌時還是在動的，雖然有點恐怖，但都證明新鮮即劏，吃的肉特別滑，也很香甜。
職員十分熱情招待，介紹我哋要食埋淮山麵，係佢哋特別為打邊爐而炮製的。真係好好味！麵質煙韌彈牙，在湯煮久了也沒有變淋， 吸收了雞湯的味道更加好吃，而且比起其他油炸的麵更健康，感覺呢餐真係滋補養顏！
總結今次打邊爐真係好抵食，起碼食嘅嘢都係新鮮靚材料，好多都係自家製的食材，其他餐廳食唔到，味道非常好，真係抵食又多選擇！ 真係冇介紹錯，一定再幫襯！
Post
