武士拉麵 (Closed)

對上一次食拉麵已經係幾個月前，最近又口痕想食拉麵。去咗觀塘呢間武士拉麵，之前九龍灣emax食過都唔錯。九洲地獄拉麵湯底一飲不會勁嗆喉，佢果種辣係漸漸地浸出來，香和辣同時擁有，呢個湯底唔錯。麵質我揀咗粗身的，食辣拉麵要配上粗身拉麵先有咬勁。武士沾麵用了魚介wasabi調較出黎的沾麵湯，味道都夠濃，唔辣，有wasabi香同埋有粒粒叉燒在內。配上粗身沾麵都算幾夾，唯一係沾麵湯再稠一點會更好，更能掛麵。餃子餃子係我大愛，煎得好香口又唔燶，熱辣辣一定要趁熱食。芥末蜜糖雞翼好香口，甜甜地辣辣地，好正，都係要趁熱食～