越一越南牛肉粉專門店 (Closed)

今日嚟到荃灣，朋友話想食越南野，難得見到間越南餐廳，裝修企理又寬躺，座位又舒適，就選擇佢啦。朋友叫咗個豬扒河粉，好快就已經有得食啦，唔需要等好耐，豬扒用另外一隻碟上，食落鬆脆，而且唔會好乾身，咬落仲好濕潤，而且肉質好爽口，充滿香茅嘅氣味，至於河粉方面，份量頗多，而且提供上特有嘅芽菜同香菜仲有一啲辣椒，趁個湯仲熱嘅時候放落個粉度食，分外覺得另有一番風味。我叫嘅係一碗越南著名美食，火車頭，裏面會有牛柏葉，牛腩，牛丸，仲有生牛肉，生牛肉上枱嘅時候仲係紅紅嘅一片，要親啲湯仲熱嘅時候將佢放落湯裏面，所以食落嘅時候啱啱好熟咗，咬落10分鮮嫩，而且又夠淋身，牛柏葉爽口，彈牙，牛丸有兩粒，爽口又彈牙，持續乒乓波，牛腩屬於半肥瘦，咬落鮮甜，分外覺得好味，而且陪左兩舊好錢嘅蘿蔔，作為呢碗河粉嘅配菜，真係一流。