Video
Read full review
2019-01-13
34 views
是日放假去荃新天地行下街，行到餓又要搵食喇。云云美食之中，見到呢間鋪門面乾乾淨淨，一於試試佢。呢度主打係拉麵，仲有唔少飯類選擇。我同朋友揀左頭一版既兩款拉麵。拉麵仲有得揀軟硬度，個人認為偏硬既日式拉麵係最好食既。落完單，店員就送上一人一兜前菜。最右邊果款蘿蔔絲酸酸甜甜，幾醒胃。濃豚骨拉麵首先黎既係朋友呢碗，一放低我地都打左個突，因乜解究咁多泡呢？店員笑笑口講：「師傅專登將湯底打到起泡，咁樣會令個湯底更加滑。」原來是咁，第一次見識啊，有趣！黑豚拉麵到我果碗喇，果然一樣係好多泡啲黑豚肉放得好靚仔，似足個menu！即刻試一試個湯底，係真係滑既，有驚喜味道上豬骨味亦非常濃郁（追加）自家製辣醬+溏心蛋個人認為辣醬唔算好辣，落晒去個麵都唔會辣到變孖潤腸嘴。如果唔撈落麵，直接點少少落叉燒度食都好惹味！溏心蛋就正常，啲啲偏咸。讚一讚啲黑豚肉！一來真係好大塊！二來佢係啖啖都入口即溶，而且肉味夠晒香濃！唐揚雞塊吉列蠔熱辣辣新鮮整起！炸蠔咬落仲好juicy標晒汁，讚雞塊份量亦比想像中多，無記錯佢起碼有7-8件，醃得非常入味，推介巨蜂乳酸梳打偏甜，但襯住炸物黎飲非常暢快順帶，環境真係乾淨、舒適，店員都好有禮貌
呢度主打係拉麵，仲有唔少飯類選擇。我同朋友揀左頭一版既兩款拉麵。拉麵仲有得揀軟硬度，個人認為偏硬既日式拉麵係最好食既。
落完單，店員就送上一人一兜前菜。最右邊果款蘿蔔絲酸酸甜甜，幾醒胃。
濃豚骨拉麵
首先黎既係朋友呢碗，一放低我地都打左個突，因乜解究咁多泡呢？店員笑笑口講：「師傅專登將湯底打到起泡，咁樣會令個湯底更加滑。」原來是咁，第一次見識啊，有趣！
黑豚拉麵
到我果碗喇，果然一樣係好多泡啲黑豚肉放得好靚仔，似足個menu！即刻試一試個湯底，係真係滑既，有驚喜味道上豬骨味亦非常濃郁
（追加）自家製辣醬+溏心蛋
個人認為辣醬唔算好辣，落晒去個麵都唔會辣到變孖潤腸嘴。如果唔撈落麵，直接點少少落叉燒度食都好惹味！溏心蛋就正常，啲啲偏咸。
讚一讚啲黑豚肉！一來真係好大塊！二來佢係啖啖都入口即溶，而且肉味夠晒香濃！
唐揚雞塊
吉列蠔
熱辣辣新鮮整起！炸蠔咬落仲好juicy標晒汁，讚雞塊份量亦比想像中多，無記錯佢起碼有7-8件，醃得非常入味，推介
巨蜂乳酸梳打
偏甜，但襯住炸物黎飲非常暢快
順帶，環境真係乾淨、舒適，店員都好有禮貌，值得再黎！
Post
