Ben哥米線

Open Now

Now Closed

今日去咗觀塘鴻圖道78號1樓既ben 哥米線食野。因為呢度有我一直想食嘅台灣鴨血。佢呢度點餐好似叫車仔麵一樣，都係自己寫紙仔揀食咩湯咩面咩餸。藥膳麻辣湯米線：叫咗小辣，佢嘅麻辣燙都幾正宗，配上鴨血非常之夾。佢嘅鴨血同平時打邊爐嘅差唔多，口感幾好，好似午餐肉咁大件，下次再嚟都會再叫。另外叫咗花枝捲同豬軟骨，個花枝捲有驚喜，口感紮實。豬軟骨都唔錯，合格有餘。蕃茄酸辣湯米線：試咗佢嘅五穀米線，味道上覺得同普通嘅冇乜分別，不過視覺上覺得都幾得意。個湯除咗有平時嘅蕃茄味仲多咗一份酸辣，食得幾過癮。雞肉係一塊塊 算幾大塊 食落比譚仔好味麻辣墨魚頭：呢一個原來係冷盤嚟嘅，墨魚頭好爽口，配上麻辣嘅味道，都幾唔錯。