新泰東南亞餐廳

Open Now

Now Closed

又去咗尖東依間「新泰東南亞餐廳」食飯，不得不說依間餐廳除咗炒粉麵飯充滿鑊氣值得一讚之外，佢哋嘅湯麵都同樣出色。*此餐廳收取加一服務費。窩巴牛肉（單點$98），牛肉肉質嫩滑，肉味濃厚，表面鋪滿巴東醬，食落充滿香料味道，配以窩巴食用，口感香脆，食落好香口，略嫌價格比較貴。冬蔭湯海鮮金邊粉（單點$88），鮮蝦肉質爽口，食落好新鮮；魷魚份量多，口感彈牙、不韌；青口肉質飽滿，味道鮮甜；魚蛋食落有鮮味；冬蔭功湯底味道酸中帶辣，帶有香茅、南薑味道，金邊粉口感幼滑，容易掛湯；配料包括有紫洋蔥、芽菜、生菜、香蔥。青木瓜沙律（單點$78），青木瓜口感爽脆，味道酸辣，配以櫻花蝦食用，味道鹹鮮，配料包括有車厘茄、生菜、花生，略嫌份量比較少。泰式凍奶茶（單點$48），茶味濃香、帶有回甘，甜度適中。凍綠茶（單點$48），奶味醇厚，茶味清香。