日本洋食屋 翔 (Closed)

沒有豪華的裝修 卻換來難尋的日本地道風味 經常問朋友，荃灣邊到有好野食呀﹖答案通常都係個兩三個地方，你唔厭我都厭！所以，今次我決定深入荃灣，俾我發現到呢間由日本人主理的餐廳！ 餐應空間不大，座位都不太多，但係食好野就無乜所謂啦！一坐底，就問下老闆娘有咩好介紹先，佢就介紹左『自家製漢堡扒拼日本香草腸定食』 同 『美國西冷牛扒定食』定俾我地，咁我地就乖乖地坐係到等野食啦。 先講個漢堡扒，可能係自家製的關係，非一般雪藏漢堡扒可以相比。肉質不但好緊緻，放入口中更有很強的黏韌感，可以話係試過之後，返唔到轉頭！其次，所配的汁味道恰到好處，不會太濃以致搶過漢堡扒之肉味！配合熱辣辣既飯一齊食，實在十分開胃！ 至於朋友所食的西冷牛扒，肉質都有保證，不溫不火不韌，在口中咀嚼數下便可吞下，也是水準之作！能夠係屋村地方食到咁樣的級數，今次深入荃灣總算是有收獲而回。這間餐廳，值得推薦！