中環茶記 (Closed)

平日早餐時段，樓下已滿，上了一樓，無人，坐邊都得，座位都保持一定距離，非常舒適。一樓有一個侍應長期喺度，好方便。沙嗲牛肉麵餐，凍奶茶。牛肉太軟，似食緊蟹柳嘅質感，林啤啤，有少少爛，冇乜牛肉味。個汁唔太濃味，冇花生，好杰撻撻，好一般。個麵好膠好漿糊感覺。炒蛋好滑，牛奶味好重，不錯。牛油多士好軟身，牛油味重，不錯。凍奶茶是一般茶餐廳奶茶，我個人幾鐘意，不過比其他奶茶出名嘅茶餐廳有一段距離。服務態度非常好，每一個侍應都好有禮貌。香港已經沒有咁好禮貌嘅茶餐廳。非常好。