金沐灶串燒

Open Now

Now Closed

認識呢間餐廳係因為外賣Apps，之後響OpenRice見到有五個食評全部都係，所以決定試一試，果然又有驚喜。老實講串燒只不過係不過不失，但如果大家住喺馬鞍山就知道，連爭鮮都會大排長龍，呢間餐廳我真係同之前啲食評一樣咁講希望你唔好執笠，馬鞍山好需要呢類型嘅餐廳，不過不失已經感覺幸福。燒雞皮，沙嗲墨魚咀、沙嗲螺肉串同黃芥未雞肉串唔建議大家叫，但紫蘇葉雞皮蝦卷一定要試吓。招呼，等待時間都OK，但佢每一串串燒都只係上俾你响同一隻碟度，唔同串燒嘅醬汁溝埋一齊有啲影響味道，建議間唔中可以換吓碟。因為第一次嚟純粹試吓o唔ok，所以只係叫咗啤酒，但見到清酒獺祭50賣$510，我覺得太貴，建議價錢可以減啲，下次會試吓佢支山錦田。